Shtohen vdekjet nga kanceri
Nga OraNews Përditësimi i fundit 4 Shkurt 2021, 15:05
Pandemia ka shkaktuar një efekt negative jo vetëm tek personat e prekur me koronavirus por edhe pacientët e sëmundjeve të tjera dhe në veçanti tek ata me kancer. Megjithëse ende nuk ka shifra zyrtare, ekspert i institutit të shëndetit publik, Alban Ylli thotë se numri i vdekjeve është rritur krahasuar me një vit më parë, ku pritet të raportohen rreth 3800 humbje jete.
"Rreth 3600 vdekje nga kanceri në vit dhe kalkulojmë që ky vit do të ketë rreth 3800 vdekje në vit kalkulojmë që ky vit do të ketë 3800 vdekje nga kanceri ka një përqindje të lartë që me gjase lidhet me Covidin"
Koronavirusi gjithashtu është bërë shkak edhe për rënien e numrit të vizitave mjekësore. Helidon Nina profesor i asocuar dhe drejtor mjekësor në spitalin onkologjik shpjegon se frika nga pandemia dhe pamundësia për të ardhur në Tiranë ka bërë që vizitat të kryhen me vonesë.
"Kjo i ka frikësuar pak pacientët për tu paraqitur pra mund të kemi pasur raste më të agravuara''
Sipas studimeve rezulton se më të prekurit nga sëmundjet malinje, janë gratë, por fatalitet më të shumta numërohen mes burrave.
"Duket që në popullatë n e përgjithshme ka më shumë femra të prekura nga kanceri janë burrat që vdesin më shumë dhe kjo lidhet me kancerin e mushkë rive i cili dominon te meshkujt"
Sëmundjet malinje më të shpeshta janë ato të mushkërisë , stomakut dhe gjirit.
"Kanceri më ti shpeshtë është kanceri i mushkërive, stomakut kanceri i sistemit nervor"
Ndërkohë që pacientët presin të marrin shërbimin e radhës në spitalin onkologjik, vërehet një neglizhencë për masat anticovid. Pothuajse çdo ditë ata presin në radhë pa distancë dhe disa prej tyre edhe pa maskë.
