Zbulohet rasti i parë me variantin e ri COVID në Nju Jork
Nga OraNews Përditësimi i fundit 5 Janar 2021, 09:47
Guvernatori i Nju Jorkut Andrew Cuomo njoftoi ditën e hënë, se Amerika ka zbuluar rastin e parë të variantit të ri të koronavirusit, që për herë të parë u shfaq në Britani.
Shfaqja e këtij virusi mbart shumë shqetësime përsa i përket kapaciteteve të spitaleve nëse ky virus do të vazhdojë të përhapet.
Andrew Cuomo tha se një burrë në moshën 60- vjeçare, që banon në një qytet në veri të kryeqytetit Albany ka variantin e ri të virusit.
Personi në fjalë i cili po e merr veten,nuk kishte udhëtuar kohët e fundit,duke lënë të kuptohet se bëhet fjalë vetëm për një përhapje brenda komunitetit.
Nju Jorku ka kryer rreth 5,000 testime për llojin e ri të virusit dhe deri tani ka rezultuar vetëm një rast pozitiv.
Cuomo u shpreh se nëse lloji i ri rrit shtrimet në spital dhe detyron disa zona të mbyllen, kjo do të sillte një ndryshim strategjie, raporton The Independent
Deri tani varianti i ri që përhapet me shpejtësi dhe është quajtur variant britanik, është zbuluar në Kolorado dhe Kaliforni.
