Tirana "mbytet" në ujë e gaz, protestuesit mbahen larg institucioneve: Të dorëhiqet Ardi Veliu!
Nga OraNews Përditësimi i fundit 11 Dhjetor 2020, 21:28
Në ditën e tretë të protestës për vrasjen e 25-vjeçarit Klodian Rashës nga oficeri i repartit Shqiponja, qytetarët protestuan në Tiranë duke kërkuar largimin nga detyra të Drejtorit të Përgjithshëm të Policisë, Ardi Veliu.
Pavarësisht se protestat nuk u shuan me largimin e Minisrit të Brendshëm, Sandër Lleshaj, kryeministri Edi Rama ka marrë në krah drejtorin e Përgjithshëm të Policisë, Ardi Veliu, me të cilin u shfaq në spital duke vizituar policët e lënduar në tubimet e ditëve të fundit në Tiranë.
Ndërkohë tek kryeministria masat e sigurisë ishin rritur në krahasim me dy ditët e para, ku forcat e rendit të shtuara në numër përdoren makinën e ujit për të mos lejuar afrimin e protestuesve.
Përplasjet vazhduan në bulevard, ndërsa më pas, protesta u zhvendos drejt Policisë së Tiranës, ndërkohë që forcat e repartit Shqiponja dhe FNSH kryen dhjetëra shoqërime të qytetarëve në rrugë.
Pas protestës tek Drejtoria e Policisë, qytetarët u zhvendosën në zonën e Bllokut ku pati tentativa për bllokimin e rrugës, çka solli edhe përplasje me efektivat e policisë.
Në orën e tretë të protestës, policia ka ndjekur strategjinë e veçimit të tubuesve nga njëri-tjetri duke kryer shoqërime të tjera në rrugicat e zonës së ish-Bllokut.
Ora News ndoqi LIVE protestën
Ora 21: 17 Avokati i Popullit, raport për protestat: Policia shoqëroi më shumë persona sesa ka kapacitet, problem të miturit
Ora 21:00 Mbyllet protesta
Ora 20:59 Policia shtrin në tokë protestuesit, i shoqëron me forcë
Ora 20:27 Digjet koshi i mbeturinave te stadiumi "Dinamo", zjarrëfikësja bën shuarjen e tij.
20:10 Hidhet gaz te zona e Bllokut
Ora 20:08 Protestuesit dëmtojnë rrethimin metalik të trotuareve dhe tabelave te Libri Universitar, policia i shpërndan me ujë.
Ora 20:03 Protestuesit mblidhen prapa Presidencës, policia dhe autoboti nisen drejt pikëtakimit të tyre.
Ora 19:38 Hidhet sërish gaz ndaj protestuesve për të mos lejuar grumbullimin në bulevard.
Ora 19: 14 Protestuesit rikthehen në bulevardin "Dëshmorët e Kombit". Hidhen granata tymyese dhe ujë për shpërndarjen.
Ora 18:57 Policia hedh sasi të madhe gazi në zonën e "Shallvareve" për shpërndarjen e protestuesve.
Ora 18:55 Policia dhe një mjet ujëhedhës lëvizin drejt zonës së Bllokut ku ndodhet një grup protestuesish.
Ora 18:50 Gazi zbraz bulevardin, policia shoqëron disa protestues.
Ora 18:45 Një pjesë e protestuesve janë larguar drejt Ministrisë së Brendshme dhe një pjesë në Bllok. Priten të bashkohen te parku Rinia dhe të marshojnë së bashku.
Ora 18:37 Gazi lotsjellës dhe uji shpërndan protestuesit. Protestuesit vijojnë me thirrjet.
Ora 18:32 Protestuesit nisen drejt Kryeministrisë nga Ministria e Brendshme. Vendoset në lëvizje policia dhe autoboti.
Ora 18:27 Pjesëmarrje e lartë e të mituve në protestë
Ora 18:24 Vijon grumbullimi i protestuesve. Hidhen shashka dhe gurë nga protestuesit. Digjet një pemë në bulevard.
Ora 18:15 Një grup të rinjsh mblidhen tek Kryesia e Kuvendit
Ora 18:13 Kreu i Policisë, Rebani Jaupaj, në terren
Ora 17:53 Ministria e Brendshme rrethohet me gardh metalik.
Ora 17:51 Policia nis shpërndarjen e protestuesve të mbledhur te Ministria e Brendshme dhe Kryeministria ende pa nisur protesta.
Ora 15:49 Policia nis përgatitjen për protestën, autobotët e ujit nisen drejt qendrës.
Lexo edhe:
Vijimi i protestave/ Rama: Do djegin e do shkatërrojnë? Ta harrojnë!
Nën moton #EdheUnëJamKlodiani organizatorët shprehen se përveç Tiranës do të ketë protesta edhe në sheshet e tjera të qyteteve të vendit.
Kërkesat e protestuesve janë:
- Largimin e Ardi Veliut
- Ndalimin e dhunës policore
- Reformim të Policisë së Shtetit
Lexo edhe:
/a.r,OraNews
