Sport Magazine/ Grillo: Vllaznia synon rikthimin e Bekim Balaj
Nga OraNews Përditësimi i fundit 10 Dhjetor 2020, 17:26
Komentatori dhe gazetari Kosta Grillo zbuloi në një intervistë për “Sport Magazinë” se Vllaznia kërkon shërbimet e lojtarit të kombëtares shqiptare Bekim Balaj.
Sipas Grillos, presidenti i klubit kuq e blu Alban Xhaferri ka patur një bisedë me sulmuesin shkodran për rikthimin e tij në superiore, te skuadra ku ka nisur karrierën.
Vllaznia synon transferimin e futbollistit të kombëtares në merkaton e muajit janar nëse palët gjejnë gjuhën e përbashkët përsa i përket termave financiare.
