Sot Shqipëri-Bjellorusi, Murati mesazh djemve: Luani me dëshirë dhe me zemër
Nga OraNews Përditësimi i fundit 18 Nëntor 2020, 12:22
Në një mesazh të posaçëm për faqen zyrtare të FSHF, ish mesfushori i Kombëtares Edvin Murati u kërkon futbollistëve që të luajnë me zemër në ndeshjen kundër Bjellorusisë dhe të arrijnë një rezultat pozitiv, që do të na rendiste në krye të grupit 4 të Ligës C në Nations League.
“Mirëdita të gjithëve! Ju përshëndes nga Franca. E ndoqa Kombëtaren në ndeshjen me Kazakistanin dhe më pëlqeu shumë. Shënoi tre gola, 2 gola nga sulmuesit dhe mbrojtja ishte shumë e mirë. Tani për ndeshjen me Bjellorusinë shpresoj që të kalojë mirë.
Një mesazh kisha për çunat, që të luajnë me dëshirë, me zemër dhe shpresoj me një rezultat shumë pozitiv. Ju përshëndes të gjithëve dhe së shpejti edhe me një fitore. Mirupafshim!”, shprehet Murati në mesazhin e tij.
Shqipëri-Bjellorusi luhet sot në ora 16:00, në “Air Albania Stadium”.
