Do vendosej nëse do thirrej Berisha si dëshmitar, shtyhet sërish seanca ndaj Izet Haxhisë
Nga OraNews Përditësimi i fundit 2 Nëntor 2020, 15:29
Është shtyrë sërish seanca gjyqësore në ngarkim të ish truprojës së presidentit Sali Berisha, Izet Haxhia.
Shkak për këtë është bërë mungesa e prokurorit të çështjes.
Në seancën e sotme do të vendosej nëse do të pranonte listën e dëshmitarëve të kërkuar nga I akuzuari, ku mes tyre është edhe ish-kryeministri Sali Berisha.
Izet Haxhia ka kërkuar 18 dëshmitarë në gjykatë në dosjen e bujshme të vrasjes së Azem Hajdarit.
Dëshmitarët e kërkuar janë:
– Zenel Neza
– Jaho Mulosmani
– Sali Berisha
– Mbesa e Sali Berishës, Shpresa Breçani
– Vëllai i Zenel Nezës, Haki Neza
– Afrim Krasniqi
– Ylli Rakipi
– Shaban Memia
– Dem Dollapi
– Sali Lusha
– Genc Hoti
– Agim Logu
– Mentor Daja
– Ismet Jovani
– Aishe Haklaj
– Zylfie Haklaj
– Marjan Gryka
Izet Haxhia është dënuar në mungesë me 25 vite burg për vrasjen e ish-deputetit Azem Hajdari.
Pas 17 vitesh mungese dhe azil në Turqi, Haxhia është ekstraduar në Shqipëri ku kërkuar rihapjen e dosjes, duke pretenduar për një proces gjyqësor të trukuar.
