Foto/ Hakmerret ndaj qeverisë, qytetari futet në supermarket vetëm me të brendshme dhe me maskë...
Nga OraNews Përditësimi i fundit 26 Tetor 2020, 11:24
Maska mbrojtëse është konsideruar një ndër "armët" më të fuqishme për të parandaluar përhapjen e koronavirusit.
Kjo është arsyeja pse shumë vende inkurajojnë njerëzit që t'i përdorin ato sa më shumë që të munden. Nga ana tjetër, ka shumë persona që nuk besojnë në ekzistencën e virusit dhe injorojnë sistematikisht urdhërat e qeverisë. Një ndër to është edhe 33-vjeçari Chris Noden nga Uellsi.
Ai hyri në supermarket, i veshur vetëm me të brendshme dhe me maskë në fytyrë. 33-vjeçari u ndalua nga stafi i sigurisë, teksa fuste karrocën me produkte në dyqanin Tesco në Newport. Ky veprim i stafit të sigurisë u kundërshtua nga gruaja e tij, Dawn.
“Tani rrobat nuk janë thelbësore. Politika juaj e dyqaneve thotë se rrobat nuk janë thelbësore. Lëreni të futet për të blerë disa rroba", është shprehur gruaja e 33-vjeçarit.
Nga ana tjetër roja e sigurisë, i është përgjigjur: “Ai nuk është veshur siç duhet. Nuk mund të vini të veshur ashtu”
Për më shumë detaje ju ftojmë të ndiqni fotot e mëposhtme.
