Korsi emergjencash "jashtë funksioni", rruga drejt spitalit të Vlorës është kthyer në shëtitore
Nga OraNews Përditësimi i fundit 4 Tetor 2020, 18:54
Rruga e cila të çon në drejtim të spitalit rajonal të Vlorës është rikonstruktuar disa vite më parë dhe në projektin e ri u parashikua krijimi i një korsie emergjence, e cila që ditën e parë të krijimit asnjëherë nuk ka funksionuar.
Qytetarët shprehen se kanë qënë shpesh herë dëshmimtar të rasteve ku në korsinë e emergjencës kalojnë automjete me shpejtësi, duke rrezikuar edhe jetën e tyre.
Irena Meminaj, kordinatore e urgjencës së Vlorës, tregon se çdo ditë grupeve të punës ju duhet të përballen me trafikun e rënduar vetëm nga mosfunksionimi i kësaj korsie.
Sipas Meminajt, bashkia Vlorë por edhe policia rrugore dhe bashkiake, duhet të jetë më efektive në këtë drejtim dhe ti japin zgjidhje njëherë e mirë këtij problemi.
Përveç të tjerash, problem mbeten edhe furgonët që furnizojnë bizneset pranë rrugës, të cilët në shumë raste bllokojnë totalisht këtë korsi emergjence.
