Balliu: Rama do tentojë të vjedhë zgjedhjet, nëse s'ka pushtet përballet me drejtësinë
Nga OraNews Përditësimi i fundit 30 Shtator 2020, 18:38
Teksa pak muaj na ndajnë nga zgjedhjet parlamentare, mazhoranca dhe opozita ende nuk janë dakordësuar për ndryshimet në kodin zgjedhor.
Për ish-deputetin e PD, Klevis Balliu, kryeminstri Edi Rama do të tentojë t'i vjedhë zgjedhjet, pasi kërkon të ruajë kokëne tij.
I ftuar në ''Ora News'', Balliu tha se pa pushtet, Ramës do i duhet të përballet me drejtësinë.
Klevis Balliu: ''Edi Rama do tentojë dhe do bëjë gjithçka për t'i vjedhur zgjedhjet, dhe për këtë nuk mund të ketë asnjë dyshim. Edi Rama nuk luan vetëm për mandatin e tretë, por ka hallin e kokës së vetë. është koshient për krimet që ka bërë. E vetmja gjë që e mban Edi Ramën larg dyerve të burgut, është pushteti i tij kryeministror. Pa atë pushtet, atij do i duhet të përballet me drejtësin dhe me ligjin. Ai do bëjë gjithçka për t'i shkatërruar dhe vjedhur votat. Opozita e Bashkuardhe qytetarët nuk do lejojë që vota e tyre të vidhet.''
Balliu u shpreh se PD i mbetet listave të hapura 100%, dhe nuk tërhiqet nga kërkesa për këshillim me OSBE-ODIHR.
Klevis Balliu: ''Partia Demokratike nuk do tërhiqet nga kërkesa për t'u këshilluar me OSBE-ODIHR, duke marrë parasysh që PS ka shkelur konsensusin e arritur nga të gjitha palëve, përsa i përket koalicioneve. Ne i qëndrojmë kërkesës tonë të parë, për listat e hapura, 100% të hapura. Lista gjysmake nuk mund të ketë dhe nuk ekziston. Kjo është diçka e shpikur nga Edi Rama sepse nuk do lista të hapura.
Ne i qëndrojmë kësaj kërkese dhe ndërmjetësimin e OSBE-ODIHR për çdo gjë për të cilën palët nuk bien dakord. Nuk mendoj se ka ndonjë paqartësi. Kemi Edi Ramën i cili kërkon shkatërrimin e konsensusit të arritur, për interesa personale. Kemi Edi Ramën që kërkon lista të mbyllura, dhe kemi PD që kërkon respektimin e konsensusit të arritur, dhe kërkon lista 100% të hapura.''
Sipas Balliut, shkelja e konesnusit të 5 qershorit, u krye nga Rama pasi kërkon të shkatërrojë koalicionet.
Klevis Balliu: ''Kjo shkelje e konsensusit sa i takon koalicioneve, çfarë tregoi? Tregoi planin për partinë shtet për mandatin e tretë. Shkatërrimi i koalicioneve është interes personal i Ramës dhe i PS, si një parti e mbetur vetëm. Rama ndryshon ligj, kushtetutë, parlament dhe ngre të gjithë shtetin në këmbë për interesine tij personal. Interesi i shqiptarëve dhe i Shqipërisë janë listat 100% të hapura.''
Balliu tha se ndëekombëtarët e kanë bërë të qartë që duhet të respektohet marrëveshja e 5 qershorit.
Klevis Balliu: ''Ndërkombëtarët kanë qenë të qartë, të respektohet 5 qershori. Nuk ka çfarë të diskutohet më. Faji është i Edi Ramës. E ka kuptuar që asnjë shqiptar nuk e voton më. Kërkon të gjejë kleçka ligjore, politike, vendosi të shkelë çdo interes kombëtar,v etëm që të përfitojë vetë. Nëse kemi kushtetutë, ligj, parlament, nuk i kemi për interes të partive, por të shqiptarëve. Këtu rëndësi kanë qytetarët shqiptarë.''
Intervistoi në studio Eneida Ndoci, përgatiti për online Renato Çaushi.
