Shpërthim eksplozivi në një lokal në Shkodër, vetëm dëme materiale
Nga OraNews Përditësimi i fundit 19 Prill 2016, 08:24
Një sasi lënde plasëse ka shpërthyer rreth orës 23.05 të mbrëmjes së të hënës në një lokal në rrugën “Gjovalin Gjadri” të lagjes “Skenderbeg”, Shkodër.Lënda eksplozive ishte vendosur në ballkonin e katit të dytë të lokalit.Fatmirësisht nga kjo ngjarje nuk ka pasur të lënduar, por vetëm dëme të lehta materiale.Mësohet se nga shpërthimi janë dëmtuar xhamat e lokalit “Bar Bufe” të marrë me qera nga shtetasi me iniciale S.Gj, 30 vjeç, banues në Shkodër.Policia e cila ka mbërritur në vendngjarje nisi hetimet ku mori në pyetje pronarin dhe banorë të zonës.Për shkak të errësirës autorët kanë arritur të largohen, ndërsa po punohet për idenifikimin e tyre.Të paqarta janë shkaqet e kësaj ngjarje, ndërsa materialet i kaluan Prokurorisë për veprën penale "Shkatërrimi i pronës me eksploziv".[caption id="attachment_726215" align="alignnone" width="640"]
Ne foto: Vendi ku ndodhi shpërthimi ne Shkoder[/caption]
