Mbifaturimet e UKT, Komisioni i posaçëm po verifikon 1000 fatura abuzive
Nga OraNews Përditësimi i fundit 24 Shkurt 2016, 16:38
Bashkia e Tiranës ka ngritur një Komision të Posaçëm për të bërë verfikimin e mbi 1000 faturave abuzive të shoqërisë Ujësjellës Kanalizime. Banorët janë shprehur se punonjësit e UKT-së kanë bërë plotësim të faturave pa parë matësin dhe se faturimi është 2 herë më i lartë se muaji dhjetor. Më herët, Bashkia e Tiranës ka garantuar se asnjë qytetar nuk do të paguajë padrejtësisht asnjë qindarkë dhe detyrimet ndaj UKT do të shlyen vetëm pas verfikimeve të gjithë faturave.Një komision i Posaçëm i ngritur nga Bashkia e Tiranës po bën verifikimet për të gjitha faturat e ankimuara për mbifaturim gjatë muajit janar të këtij vitit.Grupi i punës po punon mbi këtë shqetësim të ngritur nga banorët e kryeqytetit, duke shqyrtuar mbi 1000 fatura abuzive.Qytetarët të cilët kanë bërë ankesë për faturime jo të rregullta nga punonjësit e UKT-së duhet të presin përfundimin e verifikimeve për të proçeduar më pas me detyrimet ndaj ndërrmarrjes.Kryetari i Bashkisë së Tiranës, Erion Veliaj, garantoi disa ditë më parë se qytetarët nuk do të paguajnë padrejtësisht asnjë qindarkë për ujin e pijshëm, pasi në shumë zona të qytetit konsumatotrët u ankuan se faturat kanë arrdhur 2-fish më të larta se vitin e shkuar.Banorët në Kombinat protestuan të shtunën për shkak të mbifaturimeve dhe kjo e detyroi Bashkinë të mbledhë Asamblenë e Ujësjellës Kanalizimeve dhe të shkarkojë Drejtorin Neritan Gjojdeshi dhe të emërojë në vend të tij Drejtorin e ri Redi Molla, që mbante postin e Kreut të Ndërmarrjes nr 2 të qytetit.
