Këshilli i Evropës hetim për reformën e Gjykatës Kushtetuese
Nga OraNews Përditësimi i fundit 8 Shkurt 2016, 13:55
VARSHAVË, 8 shkurt /ATSH-AFP/ – Një delegacion i Komisionit të Venezias, komiteti këshillues i Këshillit të Evropës, i cili do të hetojë për reformën e diskutueshme të Gjykatës Kushtetuese polake zhvilloi sot në Varshavë një seancë dëgjimore ndaj drejtueses së Gjykatës së Lartë, me qëndrime mjaft kritike kundrejt këtij projekti.Shqetësimi i shfaqur në Evropë për masat e marra nga Parlamenti me dominancë të partisë konservatore në pushtet “Ligj dhe Drejtësi” (PIS), për Gjykatën Kushtetuese si dhe mediat publike dhe shërbimin civil, e detyruan Bashkimin Evropian të nisë një proces verifikimi të Shtetit të së drejtës në Poloni.“Drejtuesja e parë e Gjykatës së Lartë, Malgorzata Gersdorf ka renditur disa vendime në mesin e së cilëve disa prej tyre ngrenë dyshime në lidhje me përputhshmërinë me rendin ligjor”, bëri të ditur për median zëdhënësi i Gjykatës së Lartë, Dariusz Swiecki.“Bëhet fjalë kryesisht për rezolutat e parlamentit që çuan në anulimin e votave pararendëse për zgjedhjen e gjyqtarëve të Gjykatës Kushtetuese. Një praktikë e këtij lloji nuk parashikohet në sistemin ligjor polak”, tha Swiecki.//v.b//Marrë nga ATA/
