Itali, s`ka progres për të kaluar ngërçin politik
Nga OraNews Përditësimi i fundit 10 Prill 2013, 10:01
Në Itali nuk ka progres për të kaluar ngërçin politik edhe pas bisedimeve mes liderit të qëndrës së majtë Pier Luigi Bersani dhe udhëheqësit të qendrës së djathtë dhe rivali i tij Silvio Berluskoni.Diskutimet mes dy liderëve synonin të arrihej një marrëveshje për gjetjen e një zëvendësuesi për presidentin italian Giorgio Napolitano ,pasi në 15 maj mbaron mandati i tij.Ndërsa kërkohet një president i ri, sekretari i partisë së Berluskonit Angelino Alfano, tha se partia populli i lirisë është e gatshme të arrijë marrëveshje për një president që nuk do të jetë kundër një pjesë të rëndësishme të popullit italian.Nga ana tjetër lëvizja “Pesë yjet” është e gatshme që të marrë në dorë parlamentin si reagim për mos thirrjen e komisioneve të përhershme.Italia vendi me ekonomine e tretë në Eurozonë, nuk ka një qeveri që nga zgjedhjet e muajit shkurt, e ndërsa presidenti i Italisë ka rritur përpjekjet për krijimin sa më të shpejtë të qeverisë në vend.Duke kujtuar eksperiencën e vitit 1976 Napolitano është shprehur duhet kurajo për të bërë marrëveshje me bazë të gjerë.
