Kriza greke prek bizneset shqiptare në jug të vendit
Nga OraNews Përditësimi i fundit 24 Korrik 2015, 12:03
Kriza greke prek bizneset shqiptare në jug të vendit. Përfaqësues të ndërmarrjeve që kanë lidheje tregtare me shtetit helen, shprehen se tashmë tregu i shitjeve është kufizuar.Albert Jorgji pronar i një agjensie imobilare shprehet se buxheti i emigranteve që vinë nga Greqia, aktualisht është i limituar.Pronar i një agjensie imobilare Albert Jorgji: “Për Sarandën dhe Gjirokastrën është i drejtpërdrejtë. Unë duke pas një zyrë imobilare tregu i shitjeve të tyre është kufizuar është i prerë në mënyrë drastike. Nëse një bashkqytetari i joni vjen nga Greqia me pushime 15 ose 30 ditë, nëse më parë kishte një shumë të caktuar 500 ose 1000 euro, ai sivjet i ka reduktuar ato në 200 euro. Kjo ndikon indirekt të trgun e brendshmë të Sarandës”Arben Cipa, pronar i një agjensie turistike në qytetin e Sarandës shprehet se vizitat e emigrantëve që vinë nga Greqia, janë në nivelet me të ulëta.Pronar i një agjensie turistike, Arben Cipa: “Ne vazhdojmë rregullisht programet tona për turistët të cilët na vizitojnë. Por në mënyrë indirekte ndihet kriza greke me shqiptarët të cilët jetojnë në Greqi. Kjo është e dukshme që sivjet është në nivelin zero.”Veç kompanive imobilare dhe agjensive turistike edhe kompanitë e prodhimit të veshjeve, që punojnë për klientë grekë, kanë filluar të përballen me mungesën e pagesave.
