Nepal, bie autobusi në humnerë, 29 të vdekur dhe 12 të plagosur
Nga OraNews Përditësimi i fundit 12 Janar 2013, 12:11
Të paktën 29 persona kanë humbur jetën në Nepal pasi autobusi me të cilin udhëtonin ka dalë nga rruga malore dhe ka rënë në humnerë.Sipas njoftimeve të autoriteteve lokale, aksidenti ndodhi në afërsi të fshatit të Çatiuanit, në perëndim të rajonit të Dotit.Policia dhe banorët në vend ndihmuan për të nxjerr viktimat dhe të plagosurit nga vendi i aksidentit, që ndodhi gjatë orëve të natës dhe në kushte të vështira të errësirës.Të paktën 12 pasagjerë të plagosur rëndë po trajtohen në spital, kanë njoftuar më tej autoritetet nepaleze.Autobusët janë shpesh herë të mbipopulluar në Nepal dhe aksidentet në rrugët malore në gjendje të rëndë janë të shpeshta.Në korrik më shumë se 40 persona, shumica e të cilëve pelegrinë hindu, humbën jetën në dy aksidente të ngjashme të ndodhura brenda pak ditëve.
