FOTO/ Elegancë dhe diell, Hailey Bieber prezanton linjën e re të bukurisë!
Nga OraNews Përditësimi i fundit 2 Qershor 2026, 16:49
Hailey Bieber ka rrëmbyer vëmendjen e ndjekësve të saj me një seri fotografish të reja nga një set fotografik në një destinacion tropikal, të realizuar për promovimin e produkteve më të fundit të markës së saj të bukurisë, “Rhode”.
Modelja 29-vjeçare u shfaq me veshje verore elegante pranë detit dhe një vile luksoze, duke sjellë atmosferën perfekte të sezonit të verës. Në postimet e publikuara në Instagram, ajo prezantoi gjithashtu koleksionin e ri sezonal të markës së saj, i cili pritet të lançohet së shpejti.
Fotografitë u shoqëruan edhe me momente relaksi nga pushimet, ku Hailey shihet duke shijuar diellin dhe peizazhet tropikale, duke marrë mijëra pëlqime dhe komente nga fansat.
Postimet e saj vijnë në një periudhë kur mediat ndërkombëtare kanë raportuar se Hailey dhe bashkëshorti i saj, Justin Bieber, mund të kenë luajtur rol në afrimin e mikeshës së tyre Kendall Jenner me aktorin Jacob Elordi.
Jenner dhe Elordi janë parë së bashku në disa dalje publike gjatë javëve të fundit, duke shtuar spekulimet për një romancë të mundshme mes tyre. Megjithatë, asnjë nga personat e përfshirë nuk ka komentuar publikisht mbi këto raportime.
Ndërsa për jetën private vazhdojnë të qarkullojnë, Hailey duket e fokusuar te biznesi i saj. Fotografitë e reja promovuese u bënë menjëherë virale, me ndjekësit që vlerësuan stilin, elegancën dhe suksesin e saj në industrinë e bukurisë.
