Tirana zbulon yjet e padelit botëror, fitore për Salazar-Alonso dhe Stupaczuk-Yanguas
Nga OraNews Përditësimi i fundit 28 Maj 2026, 14:24
Me çdo orë që kalon, tribunat e FIP Platinum Albania në Sheshi Skënderbej mbushen gjithnjë e më shumë me publik. Në Tiranë ka shumë tifozë të rinj të padelit, por edhe disa nga lojtarët më të fortë në botë që sot zhvilluan ndeshjen e tyre të parë në turne. Tabelat për meshkuj dhe ato per femra tashmë janë në fazën e çerekfinaleve, të programuara nesër duke nisur nga ora 09:30 me orën lokale.
Kokat e serisë numër 1 hapën dhe mbyllën ditën: Ale Salazar dhe Ale Alonso inauguruan raundin e 1/8-ave duke mposhtur me dy sete 6-2 Camila Fassio dhe Anastasiia Rhyzova, ndërsa Franco Stupaczuk dhe Mike Yanguas e mbyllën ditën me fitoren 4-6 7-5 6-3 ndaj José Diestro dhe Nacho Piotto.
Mes konfirmimeve dhe të papriturave, surpriza e ditës ishte ajo e David Gala dhe Enzo Jensen, të cilët pasi humbën setin e parë 6-0, mposhtën kokat e serisë numër 2 Coki Nieto dhe Jon Sanz me rezultatin 0-6 7-6 6-4. Rezultat i madh edhe për Maxi Arce dhe Alex Arroyo, që fituan 6-4 6-4 ndaj Javi Garrido dhe Lucas Bergamini (5), ndërsa kokat e serisë numër 4 Martin Di Nenno dhe Jairo Bautista e mbyllën në dy sete debutimin e tyre ndaj Adrian Naranjo dhe Pablo Sanchez.
Maratona e ditës u zhvillua në turneun e femrave, ku Julieta Bidahorria dhe Marta Caparros pas 3 orësh e 23 minutash arritën të triumfonin (6-7 6-3 6-4) ndaj Araceli Martinez dhe Laura Lujan. Më të shkurtra ishin ndeshjet e kokave të serisë numër 2 (Marina Guinart dhe Veronica Virseda), numër 3 (Bea Caldera dhe Carmen Goenaga) dhe numër 4 (Aranzazu Osoro dhe Victoria Iglesias). Në çerekfinale kaluan edhe dy lojtare italiane: Giulia Dal Pozzo, e cila së bashku me Nuria Rodriguez eliminuan kokat e serisë numër 5 Martina Fassio dhe Raquel Eugenio, si dhe Carolina Orsi, që në çift me Patty Llaguno mposhti Alba Perez dhe Alba Gallardo.
