Saranda dhe Gjirokastra mbyllin votimin për kreun e PD/ Publikohen rezultatet dhe shifrat e pjesëmarrjes
Nga OraNews Përditësimi i fundit 23 Maj 2026, 18:58
Në degët e Sarandës dhe Gjirokastrës është mbyllur procesi i votimit për zgjedhjet në Partinë Demokratike, ku kandidat i vetëm është Sali Berisha.
Në Sarandë kanë marrë pjesë 229 anëtarë me të drejtë vote.
Nga këto, 181 kanë votuar pro, 40 kundër, 3 kanë abstenuar dhe 5 fletë votimi kanë rezultuar të pavlefshme.
Në këtë degë, nga 870 anëtarë me të drejtë vote, pjesëmarrja është rreth 26%.
Në Gjirokastër, sipas rezultateve të numërimit, Berisha ka marrë 270 vota pro, 11 kundër, 5 abstenime dhe 5 fletë të pavlefshme.
Në këtë degë, nga 1,890 anëtarë me të drejtë vote, pjesëmarrja ka qenë rreth 15%.
Ndërkohë, në disa degë të tjera kryesore të Partisë Demokratike, procesi i votimit është shtyrë deri në orën 19:00.
