“SHQIPNI E HARRUME” E ARTAN LAMES! Zbulohet video-amaneti për muzeun. Përkujtohet nga miqtë e bashkëpunëtorët
Nga Bekim Bici Përditësimi i fundit 21 Maj 2026, 17:16
Artan Lame u përkujtua nga miq dhe bashkëpunëtorë në përvjetorin e ndarjes nga Jeta, të shënuar me publikimin e përmbledhjes së publicistikës nën titullin “SHQIPNI E HARRUME”. Në aktivitet u publikua edhe video-amaneti për muzeun e Gardës së Republikës, ndërsa e bija, premtoi të çojë përpara projektin e nisur prej
Miq e bashkëpunëtorë të Artan Lames u bënë bashkë për të kujtuar e nderuar njeriun, publicistin, studiuesin e historisë e trashgimisë dhe personalietin e jetës publike.
Kjo është video e fundit ku Ai tregon punën që po bëhej për muzeun e gardës së Republikës
Ky video testament do të jetësohej nga e bija e Artan Lames, Lisia, e cila do të linte Evropën për t’u kthyer e vazhduar rrugën e të atit.
Lisia Lame, solli nën emocione edhe synimin që koleksioni ‘Artan Lame’ në muzeun e Gardës, një ditë do të arrijë I plotë tek publiku.
Beti Njuma e Anila Basha sollën në vëmendje figurën e një njeriu të përkushtuar ndaj historisë dhe kujtesës shqiptare.
Artan Lame ishte shumëdimensional.
Njeriu I punës si shtetar, por edhe I penës së mprehtë e goditëse.
Shkrimet e tij publicistike ndër vite erdhin të përmbledhura në libër nën titullin “‘Shqipni e Harrume’.
Kjo publicistikë u vlerësua nga redaktori I librit Bajram Peçi dhe analisti Aleksandër Çipa.
Artan Shkreli, një nga miqtë më të ngushtë të të ndjerit Artan Lame, tregoi sesi dhe kush e ‘zbuloi’ talentin dhe aftësitë e koleksionistit.
Niko Kotherja, drejtuesi I muzeut të forcave të armatosura, koleksionist I ri, e vlerësoi kështu.
Kotherja: Në fund të fundit kjo ishte bota e artan Lames, një botë fotografish të zverdhura, një document me vulë të vjetër, tabela të harruara, monedha stema e kujtime.
Artan Lame u nda nga jeta në vitin 2025 në moshën 58-vjeçare, ndërsa familja dhe miqtë u zotuan se vepra të tjera të tij, që do të publikohen në vijim.
