Sipërmarrjet në Shqipëri, INSTAT: Rritje e bizneseve të regjistruara krahasuar me ato të mbyllura
Nga OraNews Përditësimi i fundit 8 Maj 2026, 15:45
INSTAT ka raportuar një rritje të ndjeshme të bizneseve të regjistruara krahasuar me ato të mbyllura. Në raportin për vitin 2024 thuhet se kanë qenë 127.634 ndërmarrje aktive ndërsa 15.521 u regjistruan për herë të parë krahasuar me 975 të mbyllura.
Tregtia me shumicë dhe me pakicë dhe riparimi i automjeteve dhe motorçikletave kryesojnë në kategoritë e vendosura dhe përbëjnë 34,8 të totalit. Turizmi konsiderohet si boomi i këtyre viteve, por në fakt rezultojnë se ato zënë vetëm
14,0 % të totalit dhe 7.6 për qind u përkasin aktiviteteve profesionale, shkencore dhe teknike
Sa i përket numrit të të punësuarve, sërish janë tregtia dhe riparimi i automjeteve e motorçikletave, që kryesojnë me 22,3 % të totalit të të regjistruarve. Në vend të dytë renditet Industria përpunuese me 14,6 %.
Sa i përket ndërtimit që po ashtu kryeson në rritjen ekonomike, por renditet në vend të tretë për numrin e të punësuarve me 9,5 % të totalit.
Megjithatë më shumë se gjysma e kompanive aktive rezultojnë pa të punësuar me pagesë, ku në këtë rast përfshihen familjarët e të vetë-punësuarve.
Sipërmarrjet me 1 deri në 4 të punësuar të deklaruar janë 37 për qind dhe vetëm rreth 6 për qind e kompanive kanë 5 deri në 9 të punësuar.
Sa i përket bizneseve të mëdha me mbi 10 të siguruar rezulton të jenë 6.3 për qind e totalit
Sa u përket kompanive të reja rritje shihet në industrinë përpunuese, ndërtimi, transporti, akomodimi she shërbimi ushqimor por edhe shërbime administrative dhe mbështetëse.
