(VIDEO) SULM I RËNDË NË VERI TË LONDRËS/ Dy hebrenj janë pl*gosur me th*kë, në kërkim një 45-vjeçar

Nga OraNews Përditësimi i fundit 29 Prill 2026, 16:50

Një sulm me thikë është regjistruar në Londër, në zonën Golders Green në veri të qytetit, ku dy shtetas hebrenj britanikë janë plagosur jashtë një sinagoge.

Sipas organizatës së emergjencave Shomrim Shomrim, pas ngjarjes është parë një person duke vrapuar në zonë me thikë në dorë.

Sulmi ka ndodhur rreth 300 metra larg një incidenti tjetër të raportuar muajin e kaluar, çka ka shtuar shqetësimet për sigurinë në zonë.

Autoritetet britanike kanë arrestuar të dyshuarin, ndërsa lajmi është konfirmuar edhe nga kryebashkiaku i Londrës Sadiq Khan. Në vendngjarje janë vendosur postblloqe policore dhe forca të shumta sigurie.

Kryeministri i Mbretërisë së Bashkuar Keir Starmer e ka cilësuar ngjarjen shqetësuese dhe ka bërë të ditur se hetimet janë në zhvillim.

Policia britanike fillimisht e trajtoi rastin si sulm të rëndë, por më pas e riklasifikoi si akt të mundshëm terrorist, ndërsa po heton nëse komuniteti hebre ka qenë objektiv i qëllimshëm.

Shërbimet antiterroriste po punojnë me strukturat e sigurisë për të zbardhur plotësisht ngjarjen dhe për të vlerësuar rrezikun e mundshëm për komunitetet lokale.