Përmbytje në Pakistan, autoritetet raportojnë për 30 viktima
Nga OraNews Përditësimi i fundit 4 Gusht 2013, 19:43
Të paktën 30 persona gjetën vdekjen nga vërshimet në Pakistan. Zyrtarët thanë se vërshimet kanë përmbytur disa rrugë kryesore në qytetin më të madh Karaçi.Nga ky qytet janë edhe pjesa më e madhe e personave që kanë humbur jetën. Disa prej tyre janë vrarë nga rryma elektrike, e disa nga shkatërrimi i kulmeve dhe mureve të ndërtesave.Gjatë tri viteve të fundit, Pakistani është goditur shumë nga vërshimet shkatërruese, ndërsa vërshimet më vdekjeprurëse në historinë e këtij vendi, ishin ato në vitin 2010, me ç’rast humbën jetën rreth 1800 njerëz, ndërsa nga vërshimet ishin prekur pothuajse 21 milionë njerëz.
