Aksident i rëndë në Çermë-Lushnje/ Përplasje zinxhir i tre makinave, mjeti përfundon në barrierë anësore

Nga OraNews Përditësimi i fundit 19 Prill 2026, 10:10

Një aksident i rëndë është regjistruar mëngjesin e sotëm në autostradën Çermë-Lushnje, në fshatin Konjat.

Sipas të dhënave paraprake, në aksident janë përfshirë tre automjete që janë përplasur me njëri-tjetrin. Pas goditjes, njëra nga makinat ka dalë nga rruga dhe ka përfunduar mbi barrierën anësore.

Drejtuesi i këtij mjeti ka mbetur i bllokuar brenda dhe nuk ka mundur të dalë.

Në vendngjarje janë nisur forcat zjarrfikëse, të pajisura me mjete speciale për prerjen e automjetit, për të bërë të mundur nxjerrjen e tij.

Nuk ka ende informacion të plotë për gjendjen shëndetësore të të përfshirëve, ndërsa autoritetet po punojnë për të sqaruar rrethanat e aksidentit.