ISLAMABADI PRET TRYEZËN NEGOCIATORE/ SHBA dërgon ekipin në Pakistan për bisedime gjatë fundjavës

Nga OraNews Përditësimi i fundit 8 Prill 2026, 20:02

Sekretarja e Shtypit e Shtëpisë së Bardhë, Karoline Leavitt, ka dhënë detaje për një hap të ri në përpjekjet diplomatike të SHBA-së.

Ajo bëri të ditur se një ekip negociator amerikan do të udhëtojë drejt Islamabad, në Pakistan, për bisedime që pritet të zhvillohen gjatë fundjavës.

Delegacioni do të drejtohet nga JD Vance dhe do të përfshijë edhe Steve Witkoff dhe Jared Kushner. Takimet e para janë planifikuar për të shtunën në mëngjes sipas orës lokale.

Këto bisedime vijnë në një moment kur ka sinjale se Irani mund të jetë i gatshëm të ndërmarrë hapa konkretë, përfshirë dorëzimin e rezervave të uraniumit të pasuruar.

Kjo çështje mbetet një nga pikat kryesore për SHBA-në, ndërsa pritet të shihet nëse takimet në Pakistan do të çojnë në përparim në negociata.