Protesta e fermerëve, Xhixho: Kanë të drejtë! Qeveria nuk mbështet prodhimin vendas, ndërkohë që ...
Nga OraNews Përditësimi i fundit 7 Prill 2026, 16:43
Protesta pas heqjes së subvencionit të naftës është shoqëruar me tensione mes vetë fermerëve, ku ata që morën pjesë në takimin me përfaqësuesit e qeverisë u përballën me fermerët që vijonin protestën në para Ministrisë së Bujqësisë.
Pakënaqësitë për premtimet e dhëna dhe nivelin e mbështetjes financiare çuan në përplasje verbale mes tyre, teksa shumë prej protestuesve i konsideruan të pamjaftueshme.
Deputetja dhe njëherësh Zëvendëspresidentja e Partisë së Lirisë, Erisa Xhixho u jep të drejtë fermerëve shqiptarëve në kauzën e drejtë të protestës së tyre.
Xhixho thotë se produkti vendas nuk mbështetet, ndërkohë që vendet e rajonit subvencionojnë bujqësinë deri në 10 fish më shumë dhe ofrojnë naftë më të lirë.
REAGIMI I XHIXHOS
Fermerët kanë të drejtë në protestën e tyre kundër heqjes së naftës nga skema e mbështetjes, një vendim që i çon drejt falimentit.
Sot çmimi i naftës ka arritur në 230 lekë.
Produkti vendas nuk mbështetet, ndërkohë që vendet e rajonit subvencionojnë bujqësinë deri në 10 fish më shumë dhe ofrojnë naftë më të lirë.
Kjo qeveri nuk mbështet prodhimin vendas, ndërkohë që ka 0 taksa për parajsat fiskale si Durana Park, apo për jahtet e luksit.
