SILVA LARGOHET NGA CITY! Portugezi e mbyll pas 9 vitesh me Manchesterin, fitoi 18 trofe
Nga Gentian Duka Përditësimi i fundit 6 Prill 2026, 14:49
Bernardo Silva do të largohet nga Manchester Siti në fund të sezonit. Potugezi do të mbyllë aventurën te qytetarët pas 9 vitesh ku luajti 450 ndeshje dhe fitoi 18 trofe. Për mesfushorin interesohet Barcelona, Juventus, por edhe klube nga SHBA e Arabia Saudite
Ky sezon do të jetë i fundit për Bernardo Silvën te Manchester Siti. Mesfushori do të largohet nga qytetarët duke i dhënë fund një epoke të suksesshme me kampionët anglezë. Pep Lijnders , ndihmësi i Guardiolës, konfirmoi atë që ishte përfolur javët e fundit
“Çdo histori e mirë ka një fund. Nuk e zëvendëson kurrë një lojtar me të njëjtin lloj lojtari sepse nuk ekzistojnë. Bernardo Silva është unik. Nuk kërkon kurrë zëvendësim për një lloj lojtari. Shpresoj që ai t'i shijojë muajt e fundit, janë vetëm gjashtë javë”
Mesfushori portugez fitoi 18 tituj teksa ishte organizatori kryesor i lojës në ekipin e udhëhequr nga Pep Guardiola.
Mesfushori 31-vjeçar po zhvillon sezonin e tij të nëntë dhe të fundit me klubin, ku ka luajtur 450 ndeshj. portugezi ka shënuar 42 gola dhe ka dhënë 34 asiste.
Silva do të largohet si lojtar i lirë këtë verë, ndërsa destinacioni i tij i radhës është ende i paqartë, pasi disa klube kanë treguar interes.
Midis tyre është edhe Barcelona , e cila e ka monitoruar nga afër atë për disa sezone.
Largimi si transferim i lirë e bën marrëveshjen shumë më të arritshme për skuadrën katalanase, e cila aktualisht nuk është në gjendje të bëjë investime të mëdha.
Një mesfushor me cilësitë e tij do të përshtatej në mënyrë të përkryer në sistemin e Hansi Flik. Për Silven interes ka shfaqur edhe Juventus, ndërsa alternativa janë edhe klube nga SHBA dhe Arabia Saudite.
