TERRITORIALJA “NUK SHTYHET”! Ministri Demo: Prisja të ecte më shpejt, duhet t’i rezistojë “kohës”
Nga Bekim Bici Përditësimi i fundit 17 Mars 2026, 14:34
Reforma territoriale do të vijojë sipas afateve të përcaktuara, pavarësisht ritmit të ngadaltë, ndërsa qeveria thekson se procesi duhet të jetë transparent dhe afatgjatë. Ministri Ervin Demo u shpreh se reforma nuk duhet parë si afatshkurtër, por si një proces që duhet t’i rezistojë kohës dhe të forcojë kapacitetet e bashkive për integrimin në BE.
Mazhoranca sociualiste në qeverisje paralajmëron se do ti qëndrojë afateve të përcaktuara që në ngritjen e Komisionit të Posaçëm Parlamentar për Reformën Territoriale, pavarësisht vonesave dhe deklaratës së ambasadës së BE në Tiranë, që shpejtësia nuk duhet të rëndojë mbi cilësinë e reformës.
Ministri për Pushtetin Vendor, Ervin Demo, në një bashkëbisedim me gazetarët pranoi ecurinë e ngadaltë të Komisionit të Posaçëm.
Demo: Pritshmëria ime ka qenë që komisioni do ecte më shpejt, por do doja të nënvizoja që ne si qeveri i qëndrojmë fort parimeve të transparencës mbi këtë proces.
Theksoi rëndësinë që reforma t’i rezistojë kohës.
Demo: Një reformë territoriale, edhe nga pikëpamja e lidhet ngushtësisht me funksionet e bashkive dhe kjo kërkon një punë shumë të suksesshme që t’i durojë faktorit kohë. Nuk duhet ta mendojmë si një reformë afatshkurtër.
Duke u ndalur tek kapacitetet e bashkive për të thithur fonde nga BE, Demo theksoi se nevojën për forcimin e tyre, përballë asaj që e konsideoi si cunami i kritereve që do kërkohen nga BE.
Demo: Procesi kërkon detyrimisht një transformim radikal të të gjitha institucioneve. Kur flasim për bashkitë, unë përmend faktin se një cunami është duke ardhur nga pikëpamja rregullative dhe e standardeve të reja që bashkitë duhet të plotësojnë si rrjedhojë e procesit të integrimit.
Për paketën Paketa e Maleve, tha se është një nga format sesi bashkitë të përfitojnë dhe rriten ekonomikisht, ndërsa paralajmëroi edhe kohën kur do të ngrihet Akademia e Pushtetit Vendor
Demo: Procesi i përzgjedhjes do të jetë transparent dhe në bashkëpunim me partnerët e tjerë institucionalë.
