Mbrojtje maksimale për ish-kreun e SPAK, Altin Dumani shoqërohet nga 8 truproja
Nga Edison Vatnikaj Përditësimi i fundit 10 Mars 2026, 15:16
Masat e sigurisë për ish-drejtuesin e Prokurorisë së Posaçme, Altin Dumani, janë forcuar së fundmi.
Garda e Republikës ka shtuar edhe katër truproja për shoqërimin e tij, duke e çuar në tetë numrin total të bodygardëve që kujdesen për sigurinë e prokurorit.
Ata janë të organizuar në dy grupe që merren me shoqërimin dhe mbrojtjen e tij.
Rritja e nivelit të sigurisë vjen pas një vendimi të komisionit të mbrojtjes pranë Këshilli i Lartë i Prokurorisë, i cili pak javë më parë miratoi kërkesën për masa shtesë për Dumanin.
Vendimi lidhet me vlerësimin e rreziqeve që mund të ketë ndaj figurave kyçe të drejtësisë.
Ndërkohë, masa shtesë sigurie janë marrë edhe për drejtuesin aktual të Struktura e Posaçme Kundër Korrupsionit dhe Krimit të Organizuar, Klodian Braho.
Edhe për të janë shtuar dy truproja të tjera, duke e çuar në tetë numrin e personave të angazhuar për shoqërimin dhe mbrojtjen e tij.
Shtimi i truprojave për dy drejtuesit e SPAK vjen në një kohë kur institucionet e drejtësisë vijojnë hetimet për çështje të rëndësishme që lidhen me korrupsionin dhe krimin e organizuar.
Masat e reja synojnë të garantojnë siguri më të lartë për drejtuesit e prokurorisë së posaçme gjatë ushtrimit të detyrës.
