Martesa e diskutuar e Charlie Chaplin me Oona O’Neill
Nga OraNews Përditësimi i fundit 10 Mars 2026, 13:41
Ikona e komedisë botërore Charlie Chaplin u martua në vitin 1943 me Oona O’Neill, vajzën e dramaturgut të njohur amerikan Eugene O’Neill.
Lidhja e tyre shkaktoi një debat të madh publik, kryesisht për shkak të diferencës së theksuar në moshë: Chaplin ishte 54 vjeç, ndërsa Oona vetëm 18.
Martesa u bë në kulmin e famës së aktorit dhe u shoqërua me kritika të forta nga media dhe shoqëria e kohës. Edhe familja e Oona-s nuk e mbështeti fillimisht këtë lidhje; thuhet se babai i saj, Eugene O’Neill, u distancua nga vajza pas martesës.
Megjithatë, pavarësisht polemikave dhe presionit publik, çifti ndërtoi një jetë familjare të qëndrueshme. Ata patën tetë fëmijë dhe jetuan për shumë vite larg Hollivudit, kryesisht në Zvicër, ku Chaplin kaloi edhe vitet e fundit të jetës së tij.
Martesa zgjati deri në vdekjen e Chaplin në vitin 1977. Vetëm dy nga 8 fëmijët e tyre, Christopher Chaplin dhe Michael Chaplin, jetojnë duke u përpjekur të ruajnë trashëgiminë e familjes Chaplin.
Historia e tyre shpesh përmendet si një nga marrëdhëniet më të diskutueshme, por edhe më jetëgjata, në historinë e Hollivudit.
