“Ata janë thjesht të këqinj”/ Trump për regjimin iranian: Kanë goditur të gjithë fqinjët e tyre
Nga OraNews Përditësimi i fundit 3 Mars 2026, 18:53
Presidenti amerikan Donald Trump është pyetur pse vendet po bashkohen me SHBA-në në luftën e Iranit.
“Ata janë thjesht të këqij”, tha Trump, duke iu referuar regjimit iranian.
“Nuk është politika, është e gjithë filozofia e tyre, është e tmerrshme”, u tha ai gazetarëve.
Ai përsëriti pikëpamjen e tij rreth Iranit që “sulmon të gjithë fqinjët e tij”.
“Ata kanë goditur Katarin, kanë goditur Emiratet e Bashkuara Arabe, kanë goditur Arabinë Saudite, kanë goditur Omanin dhe po na ndihmonin të negocionim, të gjithë u goditën”, thotë ai.
Ai vazhdoi duke thënë se “këta njerëz janë të çmendur” dhe “nëse do të kishin një armë bërthamore, do ta kishin përdorur atë”.
