Aksident tragjik në Durrës
Nga OraNews Përditësimi i fundit 28 Shkurt 2026, 21:17
Një aksident me vdekje është shënuar mbrëmjen e sotme në Durrës. Një 23-vjeçar ka përplasur me automjet një 81-vjeçar që lëvizte në këmbë, i cili ka ndërruar jetë.
“Rreth orës 19:30, në aksin rrugor Shkozet–Plepa, automjeti që drejtohej nga shtetasi S. N, 23 vjeç. ka përplasur shtetasin D. T., 81 vjeç, i cili lëvizte në këmbë. Si pasojë e përplasjes, 81-vjeçari ndërroi jetë.
Drejtuesi i automjetit, shtetasi S. N., është shoqëruar në Komisariat për veprime të mëtejshme.”- njofton policia.
Grupi hetimor ndodhet në vendngjarje dhe po punon për sqarimin e rrethanave të aksidentit.
