Aksident në rrugën Fier-Libofshë/ Përmbyset mjeti duke lënë të pl*gosur shoferen, transportohet drejt spitalit të Fierit
Nga OraNews Përditësimi i fundit 19 Shkurt 2026, 15:45
Një aksident ka ndodhur mesditën e sotme në aksin Fier-Libofshë, në vendin e quajtur Rreth-Libofshë.
Një automjet tip “Seat” ka dalë nga rruga duke përfunduar i përmbysur, ndërsa ka lënë të plagosur drejtuesen A. P., e cila është transportuar menjëherë me ambulancë drejt spitalit Rajonal Fier.
E dëmtuara ndodhet nën kujdesin e mjekëve, jashtë rrezikut për jetën, ndërkohë që policia dhe grupi hetimor të cilët mbërritën menjëherë në vendngjarje, po punojnë për përcaktimin e shkaqeve të aksidentit.
