Procedohet një shtetase në Kakavijë/ Tentoi të nxirrte nga Shqipëria 34 700 euro pa deklaruar
Nga OraNews Përditësimi i fundit 17 Shkurt 2026, 11:17
Një shtetase, D. B., banore e Burrelit, po procedohet penalisht pasi tentoi të nxirrte nga Shqipëria 34 700 euro pa i deklaruar.
Gjatë kontrollit në çantën e saj nga Policia Kufitare e Kakavijes, u gjetën paratë e paligjshme. Shuma u sekuestrua si provë materiale.
Materialet i referuan Prokurorisë pranë Gjykatës së Shkallës së Parë Gjirokastër, ku nisi procedimi në gjendje të lirë për veprën penale “Mosdeklarimi në kufi i të hollave dhe sendeve me vlerë”.
PKK Kakavije
Procedohet penalisht një shtetase që tentoi të nxirrte pa deklaruar, nga Shqipëria, 34 700 euro.
Sekuestrohet shuma e eurove.
Në vijim të punës së shërbimeve të Policisë Kufitare të PKK Kakavije, me qëllim parandalimin dhe goditjen e paligjshmërive në kufi, në dalje, u krye kontroll në çantën e shtetases D. B., ku u gjetën 34 700 euro, të cilat ajo nuk i kishte deklaruar konform ligjit.
Në vijim të veprimeve procedurale për rastin, specialistët për Hetimin e Krimeve të DVKM Gjirokastër referuan materialet në Prokurori, ku nisi procedimi në gjendje të lirë, për veprën penale “Mosdeklarimi në kufi i të hollave dhe i sendeve me vlerë”, për shtetasen D. B., banuese në Burrel. Gjithashtu, u sekuestrua me cilësinë e provës materiale, shuma e eurove.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
