MES FESTËS DHE AKUZAVE PËR FUSHATË! Një paradë madhështore në Rio de Janeiro vuri në qendër presidentin Lula da Silva

Nga Katerina Hysenllari Përditësimi i fundit 16 Shkurt 2026, 15:10

Në stadiumin e Karnavalit në Rio de Janeiro u zhvillua një paradë madhështore në nder të presidentit brazilian Luiz Inácio Lula da Silva, në një vit kur ai synon një mandat të ri. Por kundërshtarët e akuzojnë për nisje të parakohshme të fushatës.

Stadiumi i Karnavalit në Rio de Janeiro priti një paradë madhështore të dielën në mbrëmje, kushtuar presidentit brazilian Luiz Inácio Lula da Silva, në vitin kur ai synon një mandatin e dytë radhazi, e të katërtin në objektivat e politikë

Rivalët e tij po kërkojnë veprime ligjore, duke pretenduar se rasti përbën nisje të parakohshme të fushatës zgjedhore, rreth gjashtë muaj para zgjedhjeve.

Parada u organizua nga shkolla e sambës Acadêmicos de Niterói dhe u përqendrua në rrugëtimin e Lulës, nga një fëmijëri e varfër në verilindje të Brazilit deri në statusin e tij si një nga liderët më të njohur të Amerikës Latine.

Karrocat alegorike, kostumet dhe këngët ishin plot lavdërime për presidentin 80-vjeçar.

Lula, zëvendëspresidenti Geraldo Alckmin dhe bashkëshortet e tyre morën pjesë në paradë, pavarësisht paralajmërimeve nga analistët ligjorë se prania e tyre mund të sjellë ankesa në gjykatën zgjedhore.

Presidenti u shfaq me kostum të bardhë dhe një kapelë tradicionale karnavalesh, ndërsa shumë pjesëmarrës kënduan sloganin e tij të famshëm elektoral.

Organizatorët mohuan që parada të kishte qëllim elektoral. Sipas tyre, tema e këtij viti ishte Brazili verilindor dhe historia e Lulës përputhej natyrshëm me këtë koncept.

Megjithatë, disa politikanë të djathtë argumentuan se shkollat e sambës financohen pjesërisht me fonde publike dhe se një zhvillim i tillë i jep presidentit avantazh të padrejtë.

Gjykata e lartë zgjedhore e Brazilit i rrëzoi ankesat paraprake, duke theksuar se nuk mund të censurojë një paradë para se ajo të zhvillohet. Megjithatë, gjyqtarët paralajmëruan se rasti mund të rishqyrtohet nëse gjatë performancës ka pasur shkelje të ligjit zgjedhor.

Rivali i tij kryesor pritet të jetë senatori Flávio Bolsonaro, djali i ish-presidentit Jair Bolsonaro.

Sondazhet e fundit tregojnë një garë të ngushtë për zgjedhjet që do të mbahen në tetor.