REFORMA KËRKON KONSENSUS/ Celibashi kërkon përfshirjen e shoqërisë civile: Duhet të jetë produkt gjithëpërfshirës
Nga Bekim Bici Përditësimi i fundit 15 Shkurt 2026, 12:02
“Do duhet të jetë produkt konsesual, gjithëpërfshirës brenda edhe për aq sa mundet. Edhe organizatat e Shoqërisë Civile por edhe të qytetarëve”- tha Kryekomisioneri Celibashi.
Produkti konsensual është kryefjalë për kreun e KQZ Ilirjan Celibashi dhe ekspertin e çështjeve zgjedhore, profesor Kristaq Kume, kur vjen puna tek refoma elektorale, pjesë e punimeve të komisionit të posaçëm parlamentar.
Për mikrofonin e Ora News, Celibashi e Kume kërkojnë përfshirjen në të edhe të mendimit e propozimeve të shoqërisë civile, teksa ndaln edhe tek propozimet konkrete për një prej çështjeve më të ndjeshme, si financimi i partive politike.
E të gjendur përballë presionit kohë, si Celibashi ashtu edhe Kume, nuk e shohin si pengesë, nëse do të ketë vullnet politik për të ecur para.
Komisioni i Posaçëm Parlamentar për Reformën Zgjedhore, u kthze në tryezë pas më shumë se 2 muaj bojkoti nga opozita, teksa kërkohet një product i përbashkët me adresimin e të gjitha gjetjeve të ODIHR gjatë zgjedhjeve ndër vite.
