“COUNTDOWN” PËR TERRITORIALEN/ PS afat PD-së deri në darkë, “luftë politike” për reformën

Nga Bekim Bici Përditësimi i fundit 3 Shkurt 2026, 15:06

Reforma Zgjedhore dhe mënyra si do të ecë përpara komisioni I posacëm parlamentar ishin tema kryesore e debatit politik në seancën e Kuvendit. Socialistët kanë cuar për votim ndryshimin e përbërjes, ndërsa u lanë afat demokrateve deri në darkë për një përgjigje përfundimtare nësë do të bëhen pjesë. Sali Berisha në cilësinë e kryetarit tha se PD nuk e ka bojkotuar komisionin

Përfshirja e kërkesës së Partisë Socialiste për të rishikuar përbërjen dhe drejtimin e Komisionit të Posaçëm për Reformën Administrativo-Territoriale, që parashikon marrjen e kontrollit përmes prishjes së paritetit të përfaqësimit, e fokusoi debatin në Kuvend tek reforma.

Luçiano Boçi në cilësinë e bashkëkryetarit nga PD, theksoi se opozita nuk e ka bojkotuar komisionin, por paralajmëroi se nësë prishet formula e dakordësisë do të reagojnë.

Përballë këtyre qëndrimeve, Taulant Balla ishte i paqartë, përçka kërkoi një përgjigje të prerë nga kryedemokrati Sali Berisha, teksa dha afat deri në fund të seancës.

Balla: Çohu na sqaro vendimin e djeshëm, a do vini në komisionin e posaçëm apo jo.

Kur Sali Berisha erdhi në seancë debate ishte ndezur, por kur kryedemokrati iu drejtua foltores u shënua edhe moment I parë I tensionit. Mosdhënia e fjalës për liderin, ngriti demokratët në protest para foltores, dhe solli ndërprerjen e seancës për disa minuta.

Berisha i ktheu përgjigje Mazhorancës jashtë Kuvendit:

"Ne kemi qenë dhe jemi, nuk ka asnjë diskutim"

Kur Berisha mori të drejtën e fjalës, renditi akuza për mazhorancën nga kryeminstri tek deputetët në sallë.

Përgigjet thuajse si gjithmonë, tani ia kthen Taulant Balla.

Seanca e kësaj të marte, rikthye për një moment edhe përplasjen e famshme të disa viteve më parë mes Jozefina Topalit e kreut të grupit socialist

Balla: Ti Jozefinë mos bëj sikur të dhemb shpirti për Saliun, në 2021 kemi bashkëpunuar bashkë kundër Saliut. 

Topalli: S’të kam takuar kurrë në jetën time, por ke takuar Bashën. Prandaj merre me vete atë.