Zusi për eksportet: Këmbanës i kemi rënë këtu e 3 vite/ Këtë situatë e kemi paralajmëruar

Nga OraNews Përditësimi i fundit 22 Janar 2026, 11:06

“Këmbanës i kemi rënë këtu e 3 vite, kjo është zhurma që po dëgjojmë, këtë situatë e kemi paralajmëruar.”

Kështu e komenton Alban Zusi nga Shoqata e Eksportuesve rënien me gati 22.7 miliardë lekë të eksporteve shqiptare drejt tregjeve të huaja, sipas të dhënëve zyrtare

E lidh këtë humbje me forcimin e lekut dhe kostot e larta të prodhimit vendas.

Përafrimi me standardet e Bashkimit Evropian të bizneseve shqiptare gjithashtu shton një presion të ri.

Zusi paralajmëron se, nëse nuk merren masa urgjente, rënia e eksporteve do të vijojë pa ndalim.

Rënia e eksporteve gjatë vitit të shkuar u shtri në thuajse çdo kategori produktesh dhe shërbimesh.

Bizneset e fasonëve nga 105 miliardë lekë mallra që nxorrën nga Shqipëria në vitin 2024, në vitin 2025  eksportuan 103 miliardë produkte.

Rënia më e madhe vërehet edhe te grupi i materialeve të ndërtimit.

Kompanitë shqiptare dërguan mbi 14 miliardë lekë më pak mallra drejt tregjeve të huaja.

 Ushqime, pije,duhan         53.2 mld lekë             55.9 mld  lekë

Minerale,lëndë djegëse      67.4 mld lekë           62.8 mld lekë

Tekstile dhe këpucë             105 mld lekë             103 mld lekë

Materiale ndërtimi, metale   65 mld lekë            48 mld lekë 

Makineri, pajisje  37.4 mld lekë      39.6 mld lekë