Aksident në aksin Qafë Plloçë-Pogradec/ Makina përplasi shtetasin me biçikletë, dyshohet se drejtuesi i mjetit ishte nën efektin e alkoolit
Nga OraNews Përditësimi i fundit 27 Dhjetor 2025, 17:48
Një aksident rrugor është regjistruar pak momente më parë në aksin Qafë Plloçë-Pogradec, ku një mjet ka përplasur një shtetas që lëvizte me biçikletë.
Si pasojë e përplasjes, personi në biçikletë ka mbetur i dëmtuar dhe është transportuar me urgjencë drejt spitalit të Pogradecit, ku po merr ndihmën e nevojshme mjekësore.
Ende nuk dihet gjendja e tij shëndetësore.
Në vendngjarje ndodhen forcat e policisë, të cilat po punojnë për zbardhjen e plotë të rrethanave të aksidentit dhe përcaktimin e shkaqeve që çuan në përplasjen.
Burime paraprake bëjnë me dije se dyshohet që shtetasi i dëmtuar mund të ketë qenë nën efektin e alkoolit, por kjo mbetet për t’u konfirmuar nga verifikimet zyrtare të policisë.
