Kryen manorva të gabuara dhe rrezikuan jetën e qytetarëve/ Ndëshkohen tre persona, bllokohen mjetet (VIDEO)
Nga OraNews Përditësimi i fundit 28 Nëntor 2025, 22:09
Tre persona janë ndëshkuar me masa administrative, pasi kryen manorva të gabuara, duke rrezikuar veten dhe përdoruesit e tjerë të rrugës. Blutë bëjnë me dije se të tre automjetet u bllokuan, në funksion të procedurave të mëtejshme.
Gjithashtu Policia Rrugore u bën thirrje të gjithë drejtuesve të mjeteve të respektojnë rregullat e qarkullimit, të shmangin manovrat e rrezikshme dhe çdo veprim që cenon sigurinë publike.
Njoftimi i Policisë:
Kryen manorva të gabuara, duke rrezikuar veten dhe përdoruesit e tjerë të rrugës, ndëshkohen me masa administrative 3 shtetas. Gjithashtu, u bllokohen edhe 3 automjetet e tyre. Shërbimet e Policisë Rrugore të Tiranës, gjatë kontrolleve të ushtruara në disa akse të kryeqytetit, konstatuan tek Bulevardi i Ri, tre automjete që po kryenin manovra të gabuara në rrugë, duke krijuar situata të rrezikshme për qarkullimin.
Menjëherë, efektivët ndërhynë, ndaluan mjetet dhe kryen veprimet administrative e procedurale. Nga veprimet hetimore u identifikuan shtetasit S. M., F. D. dhe A. T., të cilët u ndëshkuan secili me masat përkatëse administrative, në zbatim të Kodit Rrugor. Në vijim, të tre automjetet u bllokuan, në funksion të procedurave të mëtejshme.
Policia Rrugore u bën thirrje të gjithë drejtuesve të mjeteve të respektojnë rregullat e qarkullimit, të shmangin manovrat e rrezikshme dhe çdo veprim që cenon sigurinë publike. Çdo shkelje që rrezikon jetën e përdoruesve të rrugës do të ndëshkohet me masa të rrepta, sipas ligjit.
