Softa: Gjyqtarët që trajtojnë çështje të ndjeshme kanë nevojë për masa shtesë sigurie
Nga Sonila Musai Përditësimi i fundit 7 Tetor 2025, 18:59
Eksperti i sigurisë, Fatjon Softa, ka komentuar ngjarjen tronditëse të vrasjes së gjyqtarit Astrit Kalaja, duke vënë theksin te mungesa e masave të duhura të sigurisë në institucionet e drejtësisë.
I ftuar në emisionin Epiqendër në Ora News, me gazetaren Sonila Musai, Softa tha se kjo ngjarje është një goditje e rëndë për sistemin e drejtësisë dhe për sigurinë kombëtare në tërësi.
"Kur kemi një klasifikim të objekteve të sigurisë si të veçanta, përcaktohet qartë edhe mënyra e ruajtjes së tyre, si dhe ndërtimi i sistemit të mbrojtjes.
Në këtë rast, kemi të bëjmë me një institucion që duhet të kishte mbrojtje të shtuar," – u shpreh ai.
Sipas Softës, gjyqtarët që trajtojnë çështje sensitive apo dosje me rrezikshmëri të lartë, janë subjekte që kërkojnë masa shtesë sigurie, për të shmangur kërcënimet apo atentatet ndaj tyre.
