Kikia: PD nuk ishte e përgatitur për zgjedhjet në bashkinë e Tiranës
Nga OraNews Përditësimi i fundit 2 Tetor 2025, 21:41
Gazetari dhe analisti, Mentor Kikia i ftuar në emisionin ‘’Drejt’’ në Ora News u shpreh se PD nuk ishte e përgatitur për zgjedhjet në bashkinë e Tiranës.
Kikia: Besoj kemi boll mjete për ta kritikuar PD.
Në raport me bashkinë e Tiranës, PD zhvilloi një betejë të gjatë politike me protesta të përjavshme.
Duke kërkuar dorëheqjen dhe arrestimin.
Dhe në fund erdhi arrestimi i kryetarit të bashkisë edhe pse jo për ato që kërkonte PD.
Pas arrestimit ishte sërish PD që kërkonte shkarkimin e kryetarit të bashkisë.
Ka pasur iniciativa konkrete nga grupi i këshilltarëve demokratë.
Në fund kur u shpallën zgjedhjet PD është sot kritikja më e madhe e dekretit të presidentit për mbajtjen e zgjedhjeve të parakohshme.
Mendoj se PD nuk ishte e përgatitur.
Ndërkohë që kërkonte zgjedhjet në bashkinë e Tiranës, vetë nuk kishte një emër që ti kishte paraprirë këtij procesi.
