Zgjedhjet e pjesshme vendore më 9 nëntor/ Strazimiri: Kemi negociata me parti më të vogla
Nga OraNews Përditësimi i fundit 2 Tetor 2025, 20:56
Deputeti i PD, Gent Strazimiri në një intervistë në Ora News u shpreh se PD ka negociata me partitë më të vogla për zgjedhjet e pjesshme vendore më 9 nëntor.
Strazimiri: Arsyet janë të njohura, kanë folur shumë jurist.
Fakti që Presidenti i Republikës pretendon që vendimi do duhet të ishte goditur në gjykatë Adminisrative nuk vlen.
Është shkelje e nenit 115 të Kushtetutës e cila nga momenti minimalisht nga momenti kur një vendim i qeverisë është dërguar në gjykatë Kushtetuese, zbatimi i tij pezullohet.
Presidenti i Republikës pikërisht këtë ka shkelur me të dyja këmbët.
Përveç të tjerave ka refuzuar të konsiderojë të pezulluar vendimin e këshillit të ministrave që shkarkon Erion Veliajn.
Besoj se tashmë është hallka e fundit që mbyll atë rrethin vicioz që e dinim që të gjithë.
Veliaj nuk është aty për shkak se SPAK po kap të pandëshkueshmit.
Veliaj është aty për shkak se SPAK po kërkon që në të gjitha rastet e tjera ti vijë vërdallë Ramës, duke i krasitur degët e kalbura me shpresën që do vazhdojë të qëndrojë në këmbë.
Ju e dini se në këtë rast mekanizmi brenda PD, këtë mekanizëm dhe këtë kthjellim siç thoni ju kristalizim e vonon pak statuti.
Ne e kemi ndryshe, ne kemi një proces primaresh goxha i komplikuar.
Sigurisht që kemi negociata, të ftuar nga parti më të vogla siç është partia ‘’Mundësia.
