Aksident në Kurbin, makina përplas këmbësoren
Nga OraNews Përditësimi i fundit 2 Tetor 2025, 13:22
Një aksident ka ndodhur këtë mesditë në fshatin Gorre, Kurbin, ku një automjet ka përplasur një këmbësore.
E plagosura është transportuar menjëherë në spital, ku ndodhet nën kujdesin e mjekëve. Drejtuesi i automjetit, shtetasi F. C., është shoqëruar në komisariat.
“Rreth orës 12:00, në fshatin Gorre, shtetasi F. C., duke drejtuar automjetin, ka përplasur shtetasen L. M., këmbësore.
Shtetasja L. M. është transportuar në Spital, dhe është në kujdesin e mjekëve. Drejtuesi i automjetit është shoqëruar në Komisariat, për veprime të mëtejshme procedurale.”, njofton policia.
