Liverpuli refuzon ofertën e parë zyrtare të Bayernit për Luis Diaz
Nga OraNews Përditësimi i fundit 15 Korrik 2025, 17:18
Liverpulin nuk e ka bindur oferta e parë që Bajern Mynih ka bërë për të siguruar shërbimet e kolumbianit Luis Diaz.
Futbollisti është në kërkim të një aventurë të re larg “Anfield”, por bavarezët duhet të përmirësojnë shumë nëse kërkojnë të sigurojnë shërbimet e anësorit të sulmit.
“The Athletic” ka bërë të ditur se Bayerni ka bërë një ofertë prej 67,5 milionë eurosh për futbollistin i cili është piketuar nga klube të ndryshme gjatë dritares së merkatos.
Përveç kampionëve të Gjermanisë, në garë janë edhe Barcelona dhe sauditët e Al Nasr.
Por të kuqtë kanë refuzuar këtë shifër, duke bërë të ditur se nuk i afrohet vlerësimit që kanë ata për futbollistin.
Lojtari është pjesë thelbësore e planeve të Arne Slot dhe nuk është në interesin e klubit që të shitet.
Megjithatë, një ofertë prej rreth 100 milionë eurosh mund të ndryshojë situatën.
Qartësisht, distanca mes asaj që ofron Bayerni dhe asaj që pretendon Liverpuli është shumë e madhe, ndaj priten negociata e oferta të tjera.
