EMRI/ Në kërkim nga Italia për trafik dr*ge, arrestohet 20-vjeçari në aksin Fier-Vlorë, pritet ektradimi drejt Italisë
Nga OraNews Përditësimi i fundit 30 Qershor 2025, 11:23
Një 20-vjeçar i shpallur në kërkim ndërkombëtar është arrestuar në aksin Fier-Vlorë. Në pranga është vënë Olsi Kapllanaj, i cili kërkohej nga autoritetet italiane për trafikim të lëndëve narkotike në kuadër të organizatës kriminale.
Për këtë vepër penale, gjykata në L’Aquila i ka caktuar Kapllanajt, masëen e sigurie “Arrest në burg”. 20-vjeçari pritet të ekstradohet drejt Italisë.
NJOFTIMI I POLICISË:
Finalizohet operacioni policor i koduar “Operacionalja 51”.
Operacioni, nga Drejtoria e Forcës së Posaçme Operacionale, për kapjen e pjesëtarit të një organizate kriminale në Itali.
Si rezultat i bashkëpunimit shumë të ngushtë me strukturat e Policisë italiane, të koordinuar nga rrjeti ndërkombëtar ENFAST, shërbimet e Drejtorisë së Forcës së Posaçme Operacionale kapën në aksin rrugor “Fier-Vlorë”, shtetasin e shpallur në kërkim ndërkombëtar, O. K., 20 vjeç, banues në Ballsh.
Gjykata në L’Aquila i ka caktuar këtij shtetasi, masë sigurie “Arrest në burg”, për veprën penale “Trafikimi i lëndëve narkotike”, kryer në kuadër të organizatës kriminale, vepër për të cilën Kodi Penal italian parashikon maksimum dënimi, 24 vjet burgim.
Vijon bashkëpunimi për të finalizuar ekstradimin e 20-vjeçarit, në Itali.
