Qeveria miraton vendimin, marrëveshje edhe me Serbinë për pensionet
Nga OraNews Përditësimi i fundit 11 Qershor 2025, 22:24
Këshilli i Ministrave miratoi sot në parim marrëveshjen me Serbinë për sigurimet shoqërore.
Në mbledhjen e sotme në mbështetje të ligjit “Për marrëveshjet ndërkombëtare në Republikën e Shqipërisë”, të ndryshuar, me propozimin e ministrit të Ekonomisë, Kulturës dhe Inovacionit, Këshilli i Ministrave vendosi miratimin, në parim, të marrëveshjes, ndërmjet Republikës së Shqipërisë dhe Republikës së Serbisë, për sigurimet shoqërore.
Ky vendim hyn në fuqi menjëherë.
Shqipëria dhe Serbia parafirmosën vitin e kaluar marrëveshjen kuadër në fushën e sigurimeve shoqërore.
Kjo marrëveshje iu siguron qytetarëve shqiptarë një sërë përfitimesh, si: pensionin e pleqërisë, përfitimet e barrëlindjes, pensionin familjar, atë të invaliditetit, etj.
Ajo gjithashtu siguron bashkimin e periudhave kontributive, duke bërë që qytetarët të mos humbasin vitet e tyre të punës.
