Sfida Shqipëri-Serbi/ Riza: Aspekti politik është i dëmshëm, kemi garanci për organizimin e ndeshjes
Nga OraNews Përditësimi i fundit 5 Qershor 2025, 21:47
Menaxheri i FSHF, Florian Riza i ftuar në emisionin ‘’Drejt’’ në Ora News u shpreh se në ndeshjen mes Shqipërisë dhe Serbisë që do luhet të shtunën, aspekti emocional politik është i dëmshëm.
Riza: Në aspektin e garës emocionale sportive, këtu nuk ka asgjë të veçantë.
Emocionet e tifozerisë dhe shoqërore që janë, të gjithë duan që ne të fitojmë.
Aspekti emocional politik pastaj është i dëmshëm.
Emocioni politik në radhë të parë na është shfaqur në Serbi.
Por nga aspekti menaxherial, pra mënyra se si e menaxhojmë një ndeshje futbolli me respektimin 100% të protokollit të ndeshjes, ne nuk kemi dështuar ndonjëherë në organizmin e ndonjë ndeshjeje.
Ky është një fakt domethënës që ne kemi garanci absolute për të organizuar një ndeshje spektakolare në aspektin e organizimit të ndeshjes.
Pastaj brenda ndeshjes mund të ndodhin shumë gjëra.
