Sezoni i ri Serie A do të nisë më 24 gusht...
Nga OraNews Përditësimi i fundit 5 Qershor 2025, 16:51
ITALI - “Kampionati 2025-26 do të zhvillohet nga 24 gushti 2025 deri më 24 maj 2026 dhe do të ndërpritet vetëm nga katër dritaret ndërkombëtare të FIFA-s, shtator, tetor, nëntor dhe mars”, tha Lega Serie A në një deklaratë të lëshuar të enjten.
Siç është bërë zakon tani, Serie A nuk do të bëjë pushim gjatë sezonit të festave, me ndeshjet e ligës të planifikuara për 21 dhe 28 dhjetor 2025, dhe 3 dhe 6 janar 2026.
Dy nga 38 ndeshjet, 9 dhe 19, janë planifikuar për në mesjavë.
Për më tepër, për të shmangur çdo problem sigurie, Lega Serie A ka përcaktuar që për çiftet Inter dhe AC Milan, Lazio dhe AS Roma, Juventus dhe Torino, Fiorentina dhe Pisa, orari parashikon që për çdo ditë ndeshjeje, një klub do të luajë në shtëpi dhe tjetri jashtë fushe.
"Megjithatë, do të ketë përjashtime", tha Liga Italiane, veçanërisht për Milanin dhe Interin gjatë periudhës së mungesës së stadiumit "San Siro", i cili do të presë ceremoninë e hapjes së Lojërave Olimpike Milan-Cortina 2026 më 6 shkurt 2026.
