Operacioni “Ura”/ Ja kush është ish-punonjësi i RENEA-s që akuzohet për pjesëmarrje në grupin kriminal
Nga OraNews Përditësimi i fundit 21 Maj 2025, 14:48
Altin Morina është një nga dy ish-punonjësit e policisë që është shenjestruar nga autoritetet shqiptare dhe ato italiane në kuadër të operacionit të përbashkët mes dy vendeve kundër trafikut ndërkombëtar të lëndëve narkotike.
Altin Morina është një nga ish punonjësit e policisë që del i përfshirë te operacioni “Ura”. Gjithashtu rezulton se emri i tij del sërish si i përfshire në bashkëpunim me grupet kriminale në një tjetër dosje. Për rrjedhojë ai ra në prangat e policisë 2 javë më parë.
Kujtojmë se grupi i fuqishëm kriminal shqiptar me qendër në Durrës u shkatërrua nga autoritetet italiane në bashkëpunim edhe me SPAK.
Banda merrej me trafikun e kokainës nga Shqipëria, Italia, vendet e BE deri në Amerikën Latine. Prokurorët njoftuan se për operacionin e përbashkët janë urdhëruar 51 masa arresti dhe një masë ndalimi, nga të cilat janë ekzekutuar 42.
