FOTO/ Me qese akulli në këmbë, Bastoni tremb Interin para sfidës së Championsit me Bayernin
Nga OraNews Përditësimi i fundit 7 Prill 2025, 17:07
Përfundoi pas 45 minutash ndeshja për Alesandro Bastonin kundër Parmës.
Mbrojtësi italian doli nga dhoma e zhveshjes dhe u ul në pankinë.
Me një qese akulli të vendosur pas gjurit dhe në muskulin e kofshës së majtë.
Një pamje që ka alarmuar jo pak tifozët zikaltër dhe stafin e Interit.
Ditën e nesërme do të luhet ndeshja mes Bayernit dhe Interit dhe prezenca e tij nuk dihet nëse është e sigurt apo jo.
Megjithatë, asgjë nuk është serioze dhe Bastoni me shumë mundësi do të jetë në fushën e lojës.
Lajmet pozitive kanë ardhur ditën e djeshme, kur mbrojtësi italian ka punuar me të gjithë pjesën tjetër të skuadrës dhe ka qetësuar stafin.
Bastoni me shumë mundësi do të jetë në fushën e lojës si rregullisht për të udhëhequr prapavijën e skuadrës zikaltër në një ndeshje delikate dhe shumë të vështirë si ajo më “Alianz Arena”.
